போத்தனூர் கொள்ளை வழக்கு: குற்றவாளிக்கு 10 ஆண்டுகள் சிறை தண்டனை

Coimbatore: போத்தனூர் காவல் நிலையத்தில் பதிவான கொள்ளை வழக்கில் குற்றவாளிக்கு 10 ஆண்டுகள் கடுங்காவல் சிறை தண்டனை விதிக்கப்பட்டுள்ளது.

கோவை மாநகர காவல் துறை, D3 போத்தனூர் காவல் நிலைய குற்ற எண் 1828/2020-ன் கீழ், IPC பிரிவுகள் 452, 392, 394, 397 மற்றும் 506(II) ஆகியவற்றின் அடிப்படையில் பதிவு செய்யப்பட்ட கொள்ளை வழக்கில் கோவை வெடிகுண்டு வழக்குகளுக்கான சிறப்பு நீதிமன்றத்தில் விசாரணை நடைபெற்று வந்தது.

இவ்வழக்கில் குற்றம் சாட்டப்பட்ட சங்கர் @ சங்கையா (A1) மற்றும் அஹமத் முஸ்தபா (A2) ஆகிய இருவரும் நீதிமன்ற விசாரணையை எதிர்கொண்டனர். 11.11.2026 அன்று கோவை வெடிகுண்டு வழக்குகளுக்கான சிறப்பு நீதிமன்றம் இவ்வழக்கில் தீர்ப்பு வழங்கியது. இதில் அஹமத் முஸ்தபா விடுதலை செய்யப்பட்டார். சங்கர் @ சங்கையா குற்றவாளி எனத் தீர்மானிக்கப்பட்டு, Cr.P.C. பிரிவு 235(2)-ன் கீழ் 10 ஆண்டுகள் கடுங்காவல் சிறை தண்டனையும், ரூ.10,000 அபராதமும் விதிக்கப்பட்டது.

மேற்படி வழக்கில், போத்தனூர் காவல் நிலைய காவல் ஆய்வாளர் அசோக் குமார் மற்றும் நீதிமன்ற சிறப்பு சார்பு ஆய்வாளர் விஸ்வநாத பாபு ஆகியோர் வழக்கின் விசாரணை மற்றும் நீதிமன்ற நடவடிக்கைகளில் மிகுந்த அர்ப்பணிப்புடன் சிறப்பாக செயல்பட்டனர்.