வெள்ளலூர் உரக்கிடங்கில் மழைநீர் சேகரிப்பு உள்ளிட்ட பல்வேறு வளர்ச்சிப் பணிகள்: மாநகராட்சி ஆணையாளர் ஆய்வு

Coimbatore: கோவை மாநகராட்சி தெற்கு மண்டலம், வார்டு எண்.99-க்குட்பட்ட வெள்ளலூர் உரக்கிடங்கு வளாகத்தில் நடைபெற்று வரும் மூன்று முக்கிய பணிகளை மாநகராட்சி ஆணையாளர் கட்டா ரவி தேஜா நேரில் பார்வையிட்டு ஆய்வு மேற்கொண்டார்.

முதலில், வெள்ளலூர் உரக்கிடங்கு வளாகத்தில் மரக்கன்றுகள் நட்டு பராமரிக்கப்பட்டு வருவதை ஆணையாளர் நேரில் பார்வையிட்டார். இப்பணியின்போது நகர் நல அலுவலர் சுபாஷ் காந்தி, செயற்பொறியாளர் ஜாக்குலின் ஜாய் லதா, உதவி செயற்பொறியாளர் கனகராஜ் (பொ), உதவி பொறியாளர் சந்தீப், சுகாதார ஆய்வாளர் பாலமுருகன் மற்றும் மாநகராட்சி அலுவலர்கள் உட்பட பலர் உடன் இருந்தனர்.

அடுத்து, மாநகராட்சி பகுதிகளில் சேகரமாகும் ஈரக்கழிவுகளைக் கொண்டு எரிவாயு தயாரிக்கும் வகையில் கட்டப்பட்டு வரும் இயற்கை எரிவாயு மையம் (Bio Gas Plant) பணியினை ஆணையாளர் நேரில் பார்வையிட்டு ஆய்வு செய்தார். இப்பணியிலும் நகர் நல அலுவலர் சுபாஷ் காந்தி, செயற்பொறியாளர் ஜாக்குலின் ஜாய் லதா, உதவி செயற்பொறியாளர் கனகராஜ் (பொ), உதவி பொறியாளர் சந்தீப், சுகாதார ஆய்வாளர் பாலமுருகன் மற்றும் மாநகராட்சி அலுவலர்கள் உட்பட பலர் உடன் சென்றனர்.

இதையடுத்து, பருவ மழைக்காலங்களில் மழைநீரை சேமித்து வைப்பதற்காக மழைநீர் சேகரிப்பு குட்டை (Lagoon) அமைக்கும் பணியினையும் ஆணையாளர் நேரில் பார்வையிட்டு ஆய்வு மேற்கொண்டார். இப்பணியின்போது உதவி செயற்பொறியாளர் கனகராஜ் (பொ) உடன் இருந்தார்.

மேற்கண்ட மூன்று ஆய்வுகளும் 28.10.2026 அன்று வெள்ளலூர் உரக்கிடங்கு வளாகத்தில் நடைபெற்றன.