திருப்பூர் மாவட்டத்தில் அமராவதி, திருமூர்த்தி அணைகளில் நீர்மட்டம் உயர்வு

Coimbatore: திருப்பூர் மாவட்டத்தில் அமைந்துள்ள அமராவதி மற்றும் திருமூர்த்தி அணைகளில் நீர்மட்டம் உயர்ந்துள்ளது என நீர்வளத்துறை அதிகாரிகள் தெரிவித்துள்ளனர்.

90 அடி கொள்ளளவு கொண்ட அமராவதி அணையின் நீர் பிடிப்பு பகுதிகளில் இருந்து தொடர்ந்து நீர் வரத்து ஏற்பட்டதால், அக்டோபர் 12ம் தேதி இன்றைய நிலவரப்படி அணையின் நீர்மட்டம் 34.65 அடியாக உயர்ந்துள்ளது. இந்த அணைக்கு வினாடிக்கு 187 கன அடி நீர் வந்து சேர்கிறது என நீர்வளத்துறை அதிகாரிகள் தெரிவித்துள்ளனர்.

உடுமலைப்பேட்டை அருகே அமைந்துள்ள திருமூர்த்தி அணையின் கொள்ளளவு 60 அடி ஆகும். இந்த அணையின் நீர் பிடிப்பு பகுதிகளில் இருந்தும் தொடர்ந்து நீர் வரத்து ஏற்பட்டதால், அக்டோபர் 12ம் தேதி இன்றைய நிலவரப்படி நீர்மட்டம் 30.17 அடியாக உள்ளது. இந்த அணையில் இருந்து 21 கன அடி நீர் வெளியேற்றப்படுகிறது என நீர்வளத்துறை அதிகாரிகள் தெரிவித்துள்ளனர்.