கோவை மாவட்டத்தில் ஆழியாறு, பரம்பிக்குளம், சோலையாறு அணைகளில் நீர்மட்டம் உயர்வு

Coimbatore: கோவை மாவட்டத்தில் உள்ள ஆழியாறு, பரம்பிக்குளம், சோலையாறு ஆகிய மூன்று அணைகளின் நீர்மட்டமும் தென்மேற்கு பருவமழை தொடர்ந்து பெய்து வருவதால் உயர்ந்துள்ளது.

ஆனைமலையை அடுத்த ஆழியாறு அணை 120 அடி கொள்ளளவு கொண்டது. அணையின் நீர்ப்பிடிப்பு பகுதிகளில் பெய்த மழையின் நீர் வரத்தால் அக்டோபர் 12ஆம் தேதி நிலவரப்படி நீர்மட்டம் 53.65 அடியாக உள்ளது. அணைக்கு நீர்வரத்து வினாடிக்கு 126 கன அடியாக உள்ள நிலையில், அணையில் இருந்து 138 கன அடி நீர் வெளியேற்றப்படுகிறது.

பொள்ளாச்சியை அடுத்த பரம்பிக்குளம் அணை 72 அடி கொள்ளளவு கொண்டது. அணையின் நீர்ப்பிடிப்பு பகுதிகளில் தென்மேற்கு பருவமழை பெய்து வருவதால் தொடர்ந்து நீர் வரத்தால் அக்டோபர் 12ஆம் தேதி இன்றைய நிலவரப்படி நீர்மட்டம் 58.1 அடியாக உயர்ந்துள்ளது. அணைக்கு நீர்வரத்து வினாடிக்கு 490 கன அடியாக உள்ள நிலையில், அணையில் இருந்து 34 கன அடி நீர் வெளியேற்றப்படுகிறது.

வால்பாறையை அடுத்த சோலையாறு அணை 160 அடி கொள்ளளவு கொண்டது. அணையின் நீர்ப்பிடிப்பு பகுதிகளில் பெய்த மழையின் நீர் வரத்தால் அக்டோபர் 12ஆம் தேதி நிலவரப்படி நீர்மட்டம் 65.15 அடியாக உள்ளது. அணைக்கு நீர்வரத்து வினாடிக்கு 122 கன அடியாக உள்ள நிலையில், அணையில் இருந்து 979 கன அடி நீர் வெளியேற்றப்படுகிறது என நீர்வளத்துறை அதிகாரிகள் தெரிவித்துள்ளனர்.