கோவை மேற்கு மண்டலத்தில் மழை நீர் சேகரிப்பு, பாதாள சாக்கடை திட்ட பணிகளை மாநகராட்சி ஆணையாளர் ஆய்வு

Coimbatore: கோயம்புத்தூர் மாநகராட்சி, மேற்கு மண்டலம், தடாகம் சாலை, இடையர்பாளையம் பகுதியில் மழைநீர் சேகரிப்பு தொடர்பாக மாநகராட்சி ஆணையாளர் கட்டா ரவி தேஜா இ.ஆ.ப., இன்று (12.10.2026) நேரில் பார்வையிட்டு, ஆய்வு மேற்கொண்டார்.

கோயம்புத்தூர் மாநகராட்சி, மேற்கு மண்டலம், வார்டு எண்.35-க்குட்பட்ட தடாகம் சாலை, இடையர்பாளையம் சந்திப்பு பகுதியில் மழைநீர் சேகரிப்பு பணிகள் மற்றும் பாரதி வீதி பகுதியில் நடைபெற்றுவரும் பாதாள சாக்கடை திட்டப்பணிகளை மாநகராட்சி ஆணையாளர், நேரில் பார்வையிட்டு, ஆய்வு மேற்கொண்டு, அப்பகுதியிலுள்ள பொதுமக்களிடம் குறைகளை கேட்டறிந்தார்.

அதனைத் தொடர்ந்து, மாநகராட்சி ஆணையாளர், சங்கிலிகோணார் தோட்டம் பகுதியில் ஓடையின் குறுக்கே அமைந்துள்ள பாலத்தினை விரிவாக்கம் செய்வது தொடர்பாகவும், ஓடை தூர்வாரும் பணிகள் தொடர்பாகவும், நேரில் பார்வையிட்டு, ஆய்வு மேற்கொண்டார்.

இந்த ஆய்வுகளின் போது, உதவி ஆணையர் நர்மதா, செயற்பொறியாளர் ஜெகன், உதவி செயற்பொறியாளர் சவிதா, மாமன்ற உறுப்பினர் சம்பத், உதவி பொறியாளர் ரஜேஸ்வேணுகோபால், சுகாதார ஆய்வாளர் ராஜேந்திரன் மற்றும் மாநகராட்சி அலுவலர்கள் உட்பட பலர் உடனிருந்தனர்.