News

கோவை ஸ்ரீ ராமகிருஷ்ணா பொறியியல் கல்லூரியில் வெர்டிகுர்ல் இணைந்து 'சென்டர் ஆஃப் எக்ஸலன்ஸ்' தொடக்கம்

SimpliCity News Team · 2 days ago

Coimbatore: கோயம்புத்தூரில் உள்ள ஸ்ரீ ராமகிருஷ்ணா பொறியியல் கல்லூரி, சர்வதேச அளவில் புகழ்பெற்ற வெர்டிகுர்ல் நிறுவனத்துடன் புரிந்துணர்வு ஒப்பந்தம் மேற்கொண்டு, தனது வளாகத்தில் அதிநவீன 'சென்டர் ஆஃப் எக்ஸலன்ஸ்' மையத்தைத் துவங்கியுள்ளது.

"கல்வியையும் நிறுவன பொறியியலையும் இணைத்தல்" என்ற கருப்பொருளின் கீழ் நடைபெற்ற இந்நிகழ்வு, தொழில்முறை மற்றும் கல்வித்துறை இடையேயான ஒத்துழைப்பில் ஒரு முக்கிய மைல்கல்லாகக் கருதப்படுகிறது.

இவ்விழாவில் எஸ்.என்.ஆர் சன்ஸ் அறக்கட்டளையின் அறங்காவலர் டாக்டர் சுந்தர் ராமகிருஷ்ணன், ஸ்ரீ ராமகிருஷ்ணா பொறியியல் கல்லூரியின் முதல்வர் டாக்டர் ஏ. சௌந்தரராஜன், வெர்டிகுர்ல் நிறுவனத்தின் சார்பில் மூத்த மேலாளர் பாலசுப்பிரமணியம் மற்றும் மனிதவளப் பிரிவு இயக்குனர் சிரில் மைக்கேல் ஆகியோர் முக்கியப் பிரதிநிதிகளாகப் பங்கேற்றனர்.

வெர்டிகுர்ல் நிறுவனம், மார்க்கெட்டிங் டெக்னாலஜி டிமாண்ட் ஜெனெரேஷன் என்டர்ப்ரைஸ் இன்ஜினியரிங் சொல்யூஷன்ஸ் கொடுக்கும் உலகளவில் முன்னணியில் இருக்கும் அமைப்பாகும். இது பல்வேறு நிறுவனங்களின் தொழில்நுட்ப மேம்பாட்டிற்கு உதவி வருகிறது.

புதிதாகத் தொடங்கப்பட்டுள்ள இந்த 'சென்டர் ஆஃப் எக்ஸலன்ஸ்' மையத்தின் முதன்மை நோக்கம், மாணவர்களின் தத்துவார்த்த கல்வி அறிவிற்கும், தொழில்துறையின் நடைமுறைத் தேவைகளுக்கும் இடையே உள்ள இடைவெளியைக் குறைப்பதாகும். இந்த மையத்தின் மூலம், மாணவர்கள் தொழில்துறை சார்ந்த நவீன தொழில்நுட்பங்கள், சிறப்புப் பயிற்சிகள் மற்றும் பெருநிறுவன வல்லுநர்களின் நேரடி வழிகாட்டுதல்களைப் பெற முடியும்.

இவ்விழாவில் கல்லூரியின் வேலைவாய்ப்புப் பிரிவைச் சேர்ந்த பிரதீப், டாக்டர் பிரவீன் மற்றும் தகவல் தொழில்நுட்பத் துறையின் தலைவர் டாக்டர் சுசீலா ஆகியோர் கலந்துகொண்டு சிறப்பித்தனர்.

Sri Ramakrishna Engineering College Verticurl Centre of Excellence Coimbatore Industry Academia Collaboration Engineering Education

கோவை ஸ்ரீ ராமகிருஷ்ணா பொறியியல் கல்லூரியில் வெர்டிகுர்ல் இணைந்து 'சென்டர் ஆஃப் எக்ஸலன்ஸ்' தொடக்கம்

Related stories