கணியூர் சுங்கச்சாவடி அருகே 'தூய்மையே சேவை 2026' விழிப்புணர்வு நிகழ்ச்சி

Coimbatore: கோவை மாவட்டம் கணியூர் சுங்கச்சாவடி அருகே 'தூய்மையே சேவை 2026' விழிப்புணர்வு நிகழ்ச்சி நடைபெற்றது.

கணியூர் ஊராட்சி மற்றும் பார்க் தொழில்நுட்பக் கல்லூரி சார்பில் இந்நிகழ்ச்சி ஏற்பாடு செய்யப்பட்டிருந்தது. இதில் கல்லூரி பேராசிரியர்கள் மற்றும் மாணவர்கள் திரளாக பங்கேற்றனர்.

பொதுமக்களிடையே தூய்மை குறித்த விழிப்புணர்வை ஏற்படுத்தும் வகையில், பிளாஸ்டிக் பயன்பாட்டை தவிர்ப்பது, சுற்றுப்புறத்தை தூய்மையாக வைத்திருப்பது மற்றும் குப்பைகளை 4 வகையாக பிரித்து முறையாக கையாளுவது குறித்து விழிப்புணர்வு ஏற்படுத்தப்பட்டது.

தொடர்ந்து, கல்லூரி மாணவர்கள் ஒன்றிணைந்து 'SWACHHATA HI SEVA 26' என்ற எழுத்து வடிவில் நின்று விழிப்புணர்வு ஏற்படுத்தினர். கழுகு பார்வையில் எடுக்கப்பட்ட இந்த காட்சி, தூய்மை குறித்த விழிப்புணர்வை பொதுமக்களிடம் கொண்டு செல்லும் வகையில் அமைந்தது.

நிகழ்ச்சியில் கணியூர் இரா. சரவணன், தனி அலுவலர் வட்டார வளர்ச்சி அலுவலர், மண்டல துணை வட்டார வளர்ச்சி அலுவலர் மங்கள சத்யா, ஊராட்சி செயலர் ஆர். ஜெகதீசன், ஊராட்சி பணியாளர்கள், கல்லூரி பேராசிரியர்கள் மற்றும் மாணவர்கள் கலந்து கொண்டனர்.