Govt Notification
கோவை வடக்கு மண்டலத்தில் ரூ.3.16 கோடி மதிப்பீட்டில் 24 வளர்ச்சித் திட்டப் பணிகளை தொடங்கி வைத்த மேயர்
SimpliCity News Team · 5 days ago

Coimbatore: கோவை மாநகராட்சி வடக்கு மண்டலத்திற்கு உட்பட்ட பல்வேறு பகுதிகளில், மொத்தம் ரூ.3.16 கோடி மதிப்பீட்டில் 24 வளர்ச்சித்திட்டப் பணிகளுக்கு மேயர் கா.ரங்கநாயகி ராமச்சந்திரன் அடிக்கல் நாட்டி பணிகளைத் தொடங்கி வைத்தார்.
வார்டு எண்.1க்கு உட்பட்ட எஸ்.பி.நகர் பகுதியில் உள்ள பூங்காவில் மாநகராட்சி பொது நிதியிலிருந்து ரூ.2.00 இலட்சம் மதிப்பீட்டில் தெருவிளக்குகள் அமைக்கும் பணி, திருமுருகன் நகரில் ரூ.8.00 இலட்சம் மதிப்பீட்டில் புதிய ஆழ்துளை கிணறு அமைக்கும் பணி, தமிழ்நாடு வீட்டு வசதி வாரியம் பேஸ்1-ல் ரூ.10.00 இலட்சம் மதிப்பீட்டில் பணி, வார்டு எண்.2க்கு உட்பட்ட பாரதி வீதி, ஆர்.எஸ். தோட்டம், அம்பேத்கர் வீதி ஆகிய இடங்களில் ரூ.5.00 இலட்சம் மதிப்பீட்டில் சிமெண்ட் கான்கிரீட் தளங்கள் அமைக்கும் பணி, ஆர்.எஸ். தோட்டம் சௌடாம்பிகா பகுதியில் மண்டல நிதியிலிருந்து ரூ.5.00 இலட்சம் மதிப்பீட்டில் சேதமடைந்த வடிகாலை மறுசீரமைத்தல் மற்றும் பழுதுபார்க்கும் பணி, வார்டு எண்.1 மற்றும் 2க்கு உட்பட்ட சபரி கார்டனில் ரூ.8.00 இலட்சம் மதிப்பீட்டில் பணி, வார்டு எண்.4க்கு உட்பட்ட விசுவாசபுரத்தில் ரூ.8.00 இலட்சம் மதிப்பீட்டில் தார் சாலைகள் சீரமைக்கும் பணி, சரவணம்பட்டி மாநகராட்சி அலுவலக வளாகத்தில் உள்ள அங்கன்வாடி மையத்திற்கு ரூ.3.70 இலட்சம் மதிப்பீட்டில் பணி, வார்டு எண்.10க்கு உட்பட்ட அம்மன் நகர், பூம்புகார் நகரில் உள்ள அங்கன்வாடி மையத்திற்கு ரூ.4.60 இலட்சம் மதிப்பீட்டில் பராமரிப்புப் பணிகள், மற்றும் சிதம்பரம் நகரில் ரூ.50.00 இலட்சம் மதிப்பீட்டில் மழைநீர் வடிகால் மற்றும் சிறுபாலம் கட்டும் பணி ஆகியவற்றுக்கு மேயர் பூமிபூஜை செய்து பணிகளைத் தொடங்கி வைத்தார்.
அதைத் தொடர்ந்து, சின்னவேடம்பட்டி பிரதான சாலையில் ரூ.3.00 இலட்சம் மதிப்பீட்டில் கிணற்று நீர் குழாய் பதித்தல் பணி, வார்டு எண்.14க்கு உட்பட்ட ருமாண்டம்பாளையம், பெருமாள் கோவில் வீதியில் மண்டல நிதியிலிருந்து ரூ.10.00 இலட்சம் மதிப்பீட்டில் மழைநீர் வடிகால் மறுசீரமைத்தல் பணி, வார்டு எண்.15க்கு உட்பட்ட கணேஷ் நகர் 4-வது வீதியில் மழைநீர் வடிகால் மறுசீரமைத்தல் பணி, ரூ.10.00 இலட்சம் மதிப்பீட்டில் மழைநீர் வடிகால் சீரமைக்கும் பணி, ரூ.10.00 இலட்சம் மதிப்பீட்டில் கிணற்று நீர் விநியோகக் குழாய் பதித்தல் பணி, வார்டு எண்.19க்கு உட்பட்ட பகுதிகளில் தார் சாலை சீரமைப்பு பணி, மணியகாரன்பாளையம் பிரதான சாலையில் ரூ.10.00 இலட்சம் மதிப்பீட்டில் மழைநீர் வடிகால் கட்டும் பணி ஆகியவற்றுக்கும் மேயர் பூமிபூஜை செய்து பணிகளைத் தொடங்கி வைத்தார்.
மேலும், வார்டு எண்.20க்கு உட்பட்ட கணபதி மாநகர் 3-வது பிளாக்கில் ரூ.10.00 இலட்சம் மதிப்பீட்டில் மழைநீர் வடிகால் கட்டும் பணி, பகத்சிங்புரத்தில் ரூ.49.90 இலட்சம் மதிப்பீட்டில் பணி, வார்டு எண்.21க்கு உட்பட்ட அபிராமி நகர் பிரதான சாலை மற்றும் குறுக்குச் சாலைகளில் ரூ.45.00 இலட்சம் மதிப்பீட்டில் மழைநீர் வடிகால்கள் மற்றும் சிறுபாலங்கள் கட்டும் பணி, வார்டு எண்.2க்கு உட்பட்ட சேரன் பகுதியில் ரூ.8.00 இலட்சம் மதிப்பீட்டில் விளக்குகள் மற்றும் விளையாட்டு உபகரணங்கள் சீரமைக்கும் பணி, வார்டு எண்.29க்கு உட்பட்ட தரணி நகரில் ரூ.2.50 இலட்சம் மதிப்பீட்டில் கிணற்று நீர் குழாய் பதிக்கும் பணி, மற்றும் பகத்சிங்புரத்தில் ரூ.42.90 இலட்சம் மதிப்பீட்டில் மழைநீர் வடிகால் மற்றும் சிறுபாலம் கட்டுதல் பணி ஆகிய மொத்தம் 24 வளர்ச்சித்திட்டப் பணிகளுக்கும் மேயர் கா.ரங்கநாயகி ராமச்சந்திரன் பூமிபூஜை செய்து பணிகளைத் தொடங்கி வைத்தார்.
முன்னதாக, வார்டு எண்.28க்கு உட்பட்ட ஆவாரம்பாளையம் சோபா நகர் 2 பகுதியில், மாநகராட்சி பொது நிதியிலிருந்து ரூ.99.00 இலட்சம் மதிப்பீட்டில் கட்டப்பட்டுள்ள சிறுபாலத்தினை பொதுமக்கள் பயன்பாட்டிற்காக மேயர் கா.ரங்கநாயகி ராமச்சந்திரன் திறந்து வைத்தார்.
இந்நிகழ்வின் போது, வடக்கு மண்டல தலைவர் வே.கதிர்வேல், உதவி ஆணையர் மோகனசுந்தரி, மாமன்ற உறுப்பினர்கள் சித்ரா வெள்ளியங்கிரி, கண்ணகி ஜோதிபாசு, அம்பிகா தனபாலன், உதவி பொறியாளர் சங்கீதா, சுகாதார ஆய்வாளர் பாஸ்கரன் மற்றும் மாநகராட்சி அலுவலர்கள் உடனிருந்தனர்.