கோவை மாநகராட்சியில் மக்கள் குறைதீர்க்கும் நாள் கூட்டம்: 33 கோரிக்கை மனுக்கள் பெறப்பட்டன

Coimbatore: கோயம்புத்தூர் மாநகராட்சி பிரதான அலுவலகத்தில் நடைபெற்ற மக்கள் குறைதீர்க்கும் நாள் கூட்டத்தில் பொதுமக்களிடமிருந்து 33 கோரிக்கை மனுக்கள் பெறப்பட்டன.

மாண்புமிகு மேயர் கா.ரங்கநாயகி ராமச்சந்திரன் தலைமையிலும், மாநகராட்சி ஆணையாளர் கட்டா ரவி தேஜா இ.ஆ.ப., முன்னிலையிலும், இன்று (27.10.2026) இக்கூட்டம் நடைபெற்றது.

இக்கூட்டத்தில் பொதுமக்களிடமிருந்து, பிறப்பு, இறப்பு சான்றிதழ்கள், சாலை வசதி, மின்விளக்குகள், குடிநீர் வசதி, பாதாள சாக்கடை, புதிய குடிநீர் இணைப்பு பெயர் மாற்றம், ஆக்கிரமிப்பு அகற்றுதல் உள்ளிட்ட பல்வேறு கோரிக்கைகள் அடங்கிய 33 மனுக்களை பெற்றுக்கொண்ட ரங்கநாயகி ராமச்சந்திரன், இம்மனுக்கள் மீது சம்மந்தப்பட்ட அலுவலர்கள் உடனடியாக நடவடிக்கை மேற்கொள்ள வேண்டும் என அறிவுறுத்தினார்.

இக்கூட்டத்தில் துணை மேயர் ரா.வெற்றிசெல்வன், துணை ஆணையாளர் த.குமரேசன், மாநகர தலைமைப் பொறியாளர் விஜயகுமார், நகர் நல அலுவலர் சுபாஷ் காந்தி, மாநகர கல்வி அலுவலர் குணசேகரன் (பொ), உதவி ஆணையர்கள் தட்சிணாமூர்த்தி (கிழக்கு), நர்மதா (மேற்கு), மோகனசுந்தரி (வடக்கு), முத்துசாமி (தெற்கு), செயற்பொறியாளர்கள், உதவி செயற்பொறியாளர்கள் உட்பட பலர் உடனிருந்தனர்.