Coimbatore: கோயம்புத்தூர் மாநகராட்சி தெற்கு மண்டலத்திற்குட்பட்ட குறிச்சி குளத்தில், வடகிழக்கு பருவமழையை முன்னிட்டு மேற்கொள்ளப்பட வேண்டிய முன்னெச்சரிக்கை நடவடிக்கைகள் மற்றும் அவசர காலங்களில் உயிரைக் காப்பது தொடர்பான விரிவான செயல்விளக்கம் நடைபெற்றது.
மாநகராட்சி ஆணையாளர் கட்டா ரவி தேஜா முன்னிலையில் இன்று (09.10.2026) தீயணைப்பு மற்றும் மீட்புப்பணிகள் துறையினரால் இந்த நிகழ்ச்சி நடத்தப்பட்டது. இதில் தீயணைப்பு துறை கமாண்டோ வீரர்கள் 45 பேர் கலந்துகொண்டு செயல்விளக்கத்தை காண்பித்தனர்.
மாவட்ட தீயணைப்பு மற்றும் மீட்புப் பணிகள் துறையினர், வடகிழக்கு பருவமழையையொட்டி மேற்கொள்ளப்பட வேண்டிய முன்னெச்சரிக்கை நடவடிக்கைகள் மற்றும் அவசர காலங்களில் உயிரைக் காப்பது தொடர்பாக பொதுமக்களுக்கு விரிவான செயல்விளக்கத்தை நிகழ்த்திக் காண்பித்தனர். இதில் தீயணைப்பு துறையினர் தங்களிடம் உள்ள சிறப்பு உபகரணங்களான Life detector, victim Location camera, Hydraulic Cutter, Spreader, Combi tool, portable Inflatable light, Rubber Boat, Hydraulic Door opener, thermal Imaging Camera, Under water Scanner, Rope Bridge, Full body Horner, Petrol driven Concrete cutter, Electric drill with Breaker, மற்றும் பல்வேறு வகையான ஸ்ட்ரெச்சர்கள் ஆகியவற்றை காட்சிப்படுத்தி, அவற்றின் பயன்கள் பற்றி பொதுமக்களுக்கு விரிவாக எடுத்துரைத்தனர்.
மேலும், பொதுமக்கள் தங்களிடம் இருக்கும் தண்ணீர் பாட்டில், வாழை மரம், பிளாஸ்டிக் குடம், காலி சிலிண்டர், தர்மாக்கோல், 20 லிட்டர் மற்றும் 30 லிட்டர் வாட்டர் கேன், ஆயில் கேன், லாரி டியூப் ஆகியவற்றை பயன்படுத்தி அவசர காலங்களில் உயிரைக் காப்பது தொடர்பான விரிவான செயல்விளக்கமும் பொதுமக்களுக்கு நிகழ்த்திக் காண்பிக்கப்பட்டது.
இந்நிகழ்வின்போது தீயணைப்பு துறை மாவட்ட அலுவலர் கே.கணேசன், உதவி மாவட்ட அலுவலர் P.அழகர்சாமி, நிலைய அலுவலர்கள் கே.ரவிக்குமார், A.S.மார்ட்டின், முகமது சலீம், மாநகராட்சி உதவி ஆணையர் முத்துக்குமார், செயற்பொறியாளர் ஜாக்குலின் ஜாய் லதா, உதவி செயற்பொறியாளர்கள் எழில், கனகராஜ் (பொ), மண்டல சுகாதார அலுவலர் (பொ) தனபாலன், உதவி பொறியாளர் ஜெகதீஸ்வரி, சுகாதார ஆய்வாளர் பாலகுமார் மற்றும் பொதுமக்கள் உட்பட பலர் கலந்துகொண்டு நிகழ்ச்சியைப் பார்வையிட்டனர்.
