கோவையில் கட்டிட தளத்தில் டெங்கு கொசு பெருக்கம்: கட்டிட உரிமையாளருக்கு ரூ.30,000 அபராதம்

Coimbatore: கோயம்புத்தூர் மாநகராட்சி மத்திய மண்டலம், வார்டு எண்.68-க்குட்பட்ட சேட் நாராயணன் வீதி பகுதியில் புதிதாக கட்டப்பட்டுவரும் குடியிருப்பு கட்டடம் ஒன்றில் அதிகப்படியான டெங்கு கொசுப் புழுக்கள் இருப்பது கண்டறியப்பட்டு, கட்டடத்தின் உரிமையாளருக்கு ரூ.30,000 அபராதம் விதிக்கப்பட்டது. மாநகராட்சி சுகாதார குழுவினர் 07.10.2026 அன்று இப்பகுதியில் கள ஆய்வு மேற்கொண்டனர். அப்போது, கட்டப்பட்டுவரும் குடியிருப்பு கட்டடத்தில் தேங்கியிருந்த நீரில் அதிகப்படியான டெங்கு கொசுப் புழுக்கள் இருப்பது கண்டறியப்பட்டது. இதையடுத்து, சம்மந்தப்பட்ட கட்டடத்தின் உரிமையாளருக்கு மாநகராட்சி சுகாதார குழுவினர் ரூ.30,000 அபராதம் விதித்தனர்.