கோவை மாநகராட்சியில் குடிநீர் திட்டப்பணிகள் குறித்து கோவை மாநகராட்சி ஆணையர் கலந்தாய்வு

கோவை : மாநகராட்சி பிரதான அலுவலகக் கூட்டரங்கில் குடிநீர் திட்டப்பணிகள் குறித்து ஆணையாளர் மற்றும் தனி அலுவலர் க.விஜயகார்த்திகேயன் அலுவலர்களுடன் கலந்தாய்வு நடத்தினார்.

இக்கூட்டத்தில் கோயம்புத்தூர் மாநகராட்சியில் பொதுமக்களுக்கு சுத்தமான குடிநீர் சீராக வழங்கும் பணிகள் குறித்தும் நோய் தொற்று ஏற்படாமலிருக்க பாதுகாப்பான குடிநீர் பராமரிப்புக்கு தேவையான குளோரின் இருப்பு சரியாக உள்ளதா என அவர் ஆய்வு செய்தார். மேலும், பொதுமக்களுக்கு இடையூறின்றி சாலைகள் உடனுக்குடன் சரிசெய்திட சம்மந்தப்பட்ட அலுவலர்கள் உடனடி நடவடிக்கைகளை மேற்கொள்ளுமாறும் உத்தரவிட்டார். 

தொடர்ந்து, குடிநீர் விநியோக திட்டப்பணிகளின் முன்னேற்றம் குறித்தும், சிறுவாணி, பில்லூர் அணைகளில் நீரின் கொள்ளளவு மற்றும் இருப்பு குறித்தும் மாநகராட்சி ஆணையாளர் க.விஜயகார்த்திகேயன் அலுவலர்களுடன் கலந்தாய்வு செய்தார். இக்கூட்டத்தில் மாநகரப் பொறியாளர் ஆ.லட்சுமணன், செயற்பொறியாளர்கள் த.ஞானவேல், என்.பார்வதி, தமிழ்நாடு குடிநீர் வடிகால் வாரிய ஆலோசகர் எஸ்.சம்பத்குமார், 24x7 குடிநீர் வழங்கும் திட்டப்பணிகளின் மேற்பார்வையாளர் பி.கோபாலகிருஷ்ணன் மற்றும் அலுவலர்கள், பொறியாளர்கள் கலந்து கொண்டனர்.