வெஸ்டர்ன் கார்ட்ஸ் பள்ளியில் சர்வதேச உடல் உறுப்பு தானம் தினம் அனுசரிப்பு

கோவை : சர்வதேச உடல் உறுப்பு தான தினம் வெஸ்டர்ன் கார்ட்ஸ் பள்ளியில் அனுசரிக்கப்பட்டது.

அரிமா சங்க 324 பி5 மாவட்டத்தின் மாவட்டத் தலைவர் டாக்டர் சசிக்குமார் தலைமை வகித்தார். ஜி குப்புசாமி நாயுடு மருத்துவமனையின் உடல் உறுப்பு தான துறையின் மேலாளர் வீணா சிறப்பு விருந்தினராகக் கலந்து கொண்டார். நிகழ்ச்சியில் உடல் உறுப்பு தானம் குறித்த விழிப்புணர்வை சிறப்பு விருந்தினர் வீணா ஆடியோ காட்சி மூலம் மாணவர்களுக்கு ஏற்படுத்தினார். உடல் உறுப்பு தானம் குறித்த மாணாக்கரின் பல்வேறு சந்தேகங்களையும், இந்தியாவில் தமிழகம் உடல் உறுப்பு தானத்தில் முதல் மாநிலமாக திகழ்வதன் காரணங்களைவும் அவர் எடுத்துரைத்தார்.

உறுப்பு தானம் செய்ய விருப்பமுள்ள பெற்றோர்கள் எவ்வாறு தங்கள் பெயரைப் பதிவு செய்வது குறித்து ‘Gift an Organ’ இணையதளம் செயல்முறைகளை எட்டாம் வகுப்பு மாணவர் சித்தேஸஷ்வர் விளக்கமளித்தார். இதைத் தொடர்ந்து, உலக உறுப்பு தானம் சின்னத்தை மாணவி, மாணவியர்கள் பள்ளி மைதானத்தில் அமைத்தது குறிப்பிடத்தக்கது.