உலக அளவில் டிரெண்டான கருணாநிதி இரங்கல் ஹேஸ்டேக்

உடல்நலக்குறைவால் காலமான கருணாநிதியின் பெயர் சமூகவலைதளமான டுவிட்டரில் உலக அளவில் முதல் இடத்தில் ட்ரெண்ட் ஆகியுள்ளது. 



உடல் நலக்குறைவு காரணமாக கடந்த ஜூலை மாதம் 28-ம் தேதி காவேரி மருத்துவமனையில் சிகிச்சைக்காக அனுமதிக்கப்பட்டார். தொடர்ந்து 11 நாட்களாக சிகிச்சை பெற்று வந்த அவர், நேற்று மாலை உயிரிழந்தார். அவரது உடலுக்கு பிரபலங்கள் மற்றும் ஆயிரக்கணக்கான தொண்டர்கள் தொடர்ந்து அஞ்சலி செலுத்தி வருகின்றனர். 

இந்நிலையில் கடந்த 2 வாரங்களாக # karunanidhi#kalaingar # karunanidhi Health உள்ளிட்ட ஹேஷ்டேக்குகள் ட்ரெண்டாகி வந்தது. கருணாநிதி மறைவையொட்டி அவரது பெயர் உலக அளவில் முதல் இடத்தில் ட்ரெண்ட் ஆகி உள்ளது. மேலும், கருணாநிதியின் இரங்கல் 3-வது இடத்தில் ட்ரெண்டாகி உள்ளது.