கட்டிட சர்வேயர் உரிமம் பெறுவதற்கான நேர்முகத் தேர்வு

கோவை: கட்டிட சர்வேயர் உரிமம் (Licensed Building Surveyor) பெறுவதற்கான நேர்முகத் தேர்வுகள் கோவை மாநகராட்சி நகர அமைப்பு அலுவலகத்தில் இன்று நடைபெற்றது.

நகரில் கட்டப்படும் கட்டிடங்களுக்கான வரைபடங்கள் உரிமம் பெற்ற சர்வேயர்களால் மட்டுமே தயாரிக்கப்பட்டு, மாநகராட்சி நகர் அமைப்பு அதிகாரிகளிடம் அனுமதி வாங்க வேண்டும். தகுதி பெற்ற கட்டிட பொறியாளர்களுக்கு மட்டுமே வரை படம் தயாரிப்பதற்கான உரிமம் வழங்கப்படும். அவ்வாறு பெற்ற இந்த உரிமத்தை வருடத்திற்கு ஒரு முறை புதுப்பிக்க வேண்டும்.



இந்த சூழலில், புதிதாக சர்வேயர் உரிமம் பெறுவோர்க்கான நேர்முகத் தேர்வு, நகர் அமைப்பு அலுவலர் முன்னைலையில் மாநகராட்சி பிரதான அலுவலகத்தில் இன்று நடைபெற்றது.

கிரேடு-I மற்றும் கிரேடு-II என்ற பிரிவுகளில் கட்டிட பொறியியல் இளங்கலை மற்றும் டிப்ளமோ முடித்து, ஒரு வருட பணி அனுபவம் பெற்ற நூற்றுக்கும் மேற்பட்டோர் இந்த நேர்முகத் தேர்வில் பங்கேற்றனர்.