குழந்தைகளின் டயபர் மாற்றும் போட்டியில் அசத்திய தாய்மார்கள்

கோவை: கோவையில் நடைபெற்ற குழந்தைகளின் டயபர் (Diaper) மாற்றும் விநோதமான போட்டியில் ஏராளமான தாய்மார்கள் கலந்து கொண்டனர்.

மதர் எர்த் டே நாளை கொண்டாடப்பட உள்ள நிலையில், பெண் தொழில்முனைவோர்களான டோடலர் திங்க்ஸின் அஸ்வந்த் சுரேஷ் பாபு, கிட்டில் ஹக்கின் திவ்யா சித்தார்த், ஆப்பிள் பிளாஷத்தின் மனோ பிரபா செல்வராஜ் ஆகியோர் இணைந்து, வீடுகளில் உள்ள தாய்மார்களுக்கு அவர்களது குழந்தைகளின் டயபர் மாற்றும் விநோதமான போட்டியை நடத்தினர்.



மேட்டுப்பாளையம் சாலையில் உள்ள பெண்கள் மையத்தில் இன்று நடந்த இந்த நிகழ்ச்சியில், 16 தாய்மார்கள் அவர்களின் குழந்தைகளுடன் கலந்து கொண்டனர். சுமார் 4 நிமிடத்திற்கும் குறைவான நேரங்களிலேயே, போட்டியாளர்கள் அவர்களின் குழந்தைகளின் டயபரை மாற்றினர். இந்த முயற்சி, கின்னஸ் சாதனைப் புத்தகத்தில் இடம்பெற வாய்ப்பிருப்பதாகப் போட்டி ஒருங்கிணைப்பாளர்கள் தெரிவித்தனர்.