உலக பணக்காரர்களுக்கான பட்டியலில் அம்பானிக்கு 19-வது இடம்

உலக பணக்காரர்களுக்கான போர்ப்ஸ் பட்டியலில் இந்திய தொழிலதிபர் முகேஷ் அம்பானி 19-வது இடத்திற்கு முன்னேறியுள்ளார். 

உலக பணக்காரர்களுக்கான பட்டியலை, போர்ப்ஸ் நிறுவனம் வெளியிட்டது. இதில், இந்தியாவிலிருந்து 119 பேரும், அமெரிக்காவிலிருந்து 585 பேரும், சீனாவிலிருந்து 373 பேரும் பட்டியலில் இடம் பிடித்துள்ளனர். இந்தப் பட்டியலில், சர்வதேச அளவில் ரிலையன்ஸ் நிறுவனத்தின் முகேஷ் அம்பானி 40.1 பில்லியன் டாலர் சொத்துகளுடன் 19வது இடத்தில் உள்ளார் கடந்த வருடத்தை விட அவரது சொத்து மதிப்பு 16.9 பில்லியன் டாலர் அதிகரித்துள்ளது. சென்ற வருடம் முகேஷ் அம்பானி 33-வது இடத்தில் இருந்தார். 

விப்ரோ நிறுவனத்தின் அசிம் பிரேம்ஜி 18.8 பில்லியன் டாலர் சொத்துகளுடன் 58-வது இடத்திலும், எச்.சி.எல். நிறுவனத்தின் சேர்மன் லட்சுமி மிட்டல், 18.5 பில்லியன் டாலர் சொத்துகளுடன் 62-வது இடத்திலும், எச்.சி.எல். நிறுவனத்தின் சேர்மன் சிவ நாடார் 14.6 பில்லியன் டாலர் சொத்துகளுடன் 98-வது இடத்திலும், சன் பார்மாசிடிகல்ஸ் நிறுவனத்தின் திலிப் சங்வி 12.8 பில்லியன் டாலர் சொத்துகளுடன் 115-வது இடத்திலும் உள்ளனர்.

ஆதித்யா பிர்லா நிறுவன தலைவர் குமார் பிர்லா 11.8 பில்லியன் டாலர் சொத்துகளுடன் 127-வது இடத்திலும், கோடக் மகிந்திரா வங்கி நிர்வாக இயக்குநர் உதய் கோடாக் 10.7 பில்லியன் டாலர் சொத்துகளுடன் 143-வது இடத்திலும், ராதாகிருஷ்ணன் தாமினி 10 பில்லியன் டாலர் சொத்துகளுடன் 151-வது இடத்திலும், அதானி நிறுவனத்தின் நிறுவனர் கவுதம் அதானி 9.7 பில்லியன் டாலர் சொத்துகளுடன் 154-வது இடத்திலும், பூன்வாலா நிறுவனத்தின் தலைவர் சைரஸ் பூன்வாலா 9.1 பில்லியன் டாலர் சொத்துகளுடன் 170-வது இடத்திலும் உள்ளனர். பதஞ்சலி நிறுவனத்தின் ஆச்சார்யா பாலகிருஷ்ணா 6.3 பில்லியன் டாலர் சொத்துகளுடன் 274வது இடத்தில் உள்ளார். இந்தப் பட்டியலில் அமேசான் நிறுவனத்தின் ஜெப் பேஜோஸ் 100 பில்லியன் டாலர் சொத்துகளுடன் முதலிடத்தில் உள்ளார்.