குடும்பத்துடன் ஹோலி பண்டிகையை கொண்டாடிய சூப்பர் ஸ்டார்

நாடு முழுவதும் உற்சாகமாகக் கொண்டாடப்பட்டு வரும் ஹோலி பண்டிகையை நடிகர் ரஜினிகாந்த் தனது குடும்பத்தினருடன் கொண்டாடினார். 

இந்தியா முழுவதும் இன்று ஹோலி பண்டிகை கொண்டாடப்பட்டு வருகிறது. ஆண்களும், பெண்களும் ஒருவர் மீது ஒருவர் வண்ணப் பொடிகளை தூவி ஹோலி பண்டிகையை கொண்டாடி வருகிறன்றனர். இதேபோல, ஜம்மு-காஷ்மீர் பகுதியில் உள்ள ராணுவ வீரர்களும் ஹோலி பண்டிகையை உற்சாகமாகக் கொண்டாடினர். 

சென்னையில் சவுகார் பேட்டை, புரசவை வாக்கம் உள்ளிட்ட இடங்களில் ஹோலி பண்டிகை மக்கள் உற்சாகமாக கொண்டாடி வருகின்றனர்.இதனிடையே, நடிகர் ரஜினிகாந்த்தும், தனது குடும்பத்தினருடன் ஹோலி பண்டிகையைக் கொண்டாடியுள்ளார். இந்த புகைப்படத்தை அவரது மகள் சவுந்தர்யா தனது டுவிட்டர் பக்கத்தில் வெளியிட்டுள்ளார். அதில், “காலா சூப்பர் ஸ்டாரான என் அப்பாவுடன் ஹோலியை கொண்டாடி வருகிறேன்” எனப் பதிவிட்டுள்ளார். காலா டீசர் வெளியான சில மணி நேரங்களில் 29 லட்சத்தை தொட்டது குறிப்பிடத்தக்கது.