சிரியாவில் நடக்கும், சிறு குழந்தைகளின் தாக்குதல் சிற்பம் செய்யவே கண்ணீர் வடிகிறது! மனிதாபிமானம் எங்கே?

கோவை : கோவை குனியமுத்தூர் பகுதியை சேர்ந்த தங்க நகை பட்டறை தொழிலாளி யு.எம்.டி ராஜா அவ்வப்போது விழிப்புணர்வு ஏற்படுத்தும் வகையில் பல்வேறு வடிவங்களில் சிற்பங்கள் செய்வது வழக்கம்.மைக்ரோ அளவில் தங்கத்தின் மூலம் பொங்கலின் போது ஜல்லிகட்டு விளையாட்டு வேண்டும் என்பதை  வலியுறுத்தி நடைபெற்ற போராட்டத்திற்கு வலுசேர்க்கும் வண்ணம் காளைகளை வடிவமைத்திருந்தார்.

சிறிய அளவிலான உலக கோப்பை, எம் ஜி ஆர் நூற்றாண்டை முன்னிட்டு எம் ஜி ஆர் உருவம் மற்றும் கருணாநிதி உருவம், இயேசுவின் சிலைகளை மூன்று பென்சில்களின்  முனையில் வைத்து தேவாலயத்தின் மீது இயேசு இருப்பதைப்போல் வடிமைத்திருந்ததார்.

தற்போது தேன் மெழுகு கொண்டு சிரியாவில் நடைபெற்ற தாக்குதலில் பலியான குழந்தைகளுக்கு அஞ்சலி செலுத்தும் விதமாக கோவையை சேர்ந்த தங்க நகை பட்டறை தொழிலாளி யு.எம்.டி ராஜா கட்டிட இடிபாடுகள் நடுவே மரணித்த குழந்தையின் உருவ சிலையை தயாரித்து உள்ளார். மனிதாபிமானமற்ற சிரிய அரசின் செயலுக்கு கண்டணம் தெரிவிக்கும் வகையில் இதை உருவாக்கியதாக தெரிவித்தார்.

இரண்டாவது நாளாக தொடர்ந்து வான் தாக்குதல்கள் தீவிரமாக நடத்தப்பட்டன. சிரியாவில் நடந்து வரும் ராணுவ தாக்குதல் காரணமாக இதுவரை 600 பேர் மரணம் அடைந்து இருக்கிறார்கள். இதுவரை இறந்தவர்களில் 60 சதவிகிதம் பேர் குழந்தைகள். அதேபோல் காயம் அடைந்ததும் குழந்தைகளே என்பது குறிப்பிடத்தக்கது.