எம்ஜிஅர் பிறந்த நாளை முன்னிட்டு அவரது திருவுருவ சிலைக்கு மாலை அணிவித்து மரியாதை

கோவை, ஜனவரி 17

முன்னாள் முதலமைச்சர் எம்.ஜி.ஆரின் 101-வது பிறந்தநாளை முன்னிட்டு கோவை மாவட்ட அதிமுக-வினர் அவரது உருவச் சிலைக்கு மாலை அணிவித்து மரியாதை செலுத்தினர்.



மறைந்த தமிழக முன்னாள் முதலமைச்சர் எம்.ஜி.ஆரின் 101-வது பிறந்த நாளான ஜனவரி 17ம் தேதியை தமிழகம் முழுவதும் அதிமுக-வினர் கொண்டாடி வருகின்றனர். இதன் ஒரு பகுதியாக கோவை, ஹூசூர் சாலையில் உள்ள இதய தெய்வம் மாளிகளையில் இருந்து அவிநாசி சாலையில் உள்ள அண்ணா, எம்.ஜி.ஆர் சிலை உள்ள இடத்திற்கு தெற்கு சட்டமன்ற தொகுதி உறுப்பினர் அம்மன் கே. அர்ஜூனன், கவுண்டம்பாளையம் சட்டமன்ற உறுப்பினர் ஆறுகுட்டி, ஆவின் சேர்மன் தாமோதரன், முன்னாள் மேயர் செ.மா.வேலுச்சாமி ஆகியோர் தலைமையில் 200-க்கும் மேற்பட்ட அதிமுக தொண்டர்கள் ஊர்வலமாகச் சென்று மாலை அணிவித்து மரியாதை செலுத்தினர்.



இதனைத்தொடர்ந்து, தொண்டர்களுக்கு இனிப்பு வழங்கி எம்.ஜி.ஆர் பிறந்த நாள் கொண்டாடப்பட்டது.