"ரஜினிகாந்தும், கமலஹாசனும் பகல்கனவு காண்கிறார்கள்"- தங்க தமிழ்செல்வன்

கோவை, ஜனவரி 17

நீலகிரி மாவட்டம் கோத்தகிரியில் நடைபெறவுள்ள எம்.ஜி.ஆர் நூற்றாண்டு விழாவில் சட்டமன்ற உறுப்பினர் டி.டி.வி. தினகரன் தனது ஆதரவாளர்களுடன் கலந்து கொள்கிறார். இந்த நிகழ்ச்சியில் கலந்து கொள்வதற்காக வந்த தினகரன் ஆதரவாளர் தங்க தமிழ்செல்வன் இன்று மேட்டுப்பாளையத்தில் செய்தியாளர்களைச் சந்தித்தார்.



அப்போது அவர் கூறுகையில், இரட்டை இலை சின்னத்தை பயன்படுத்துவது பற்றிய வழக்கு நிலுவையில் உள்ளதால் வர இருக்கும் தேர்தல்களை எதிர்கொள்ள வசதியாக தமிழகம் முழுவதும் ஒரே சின்னத்தை பயன்படுத்தும் வகையில் புதிய கட்சி துவங்குவது குறித்து தினகரன் ஆலோசித்து வருகிறார். கூடிய விரைவில் முறையான அறிவிப்பு வரலாம்.

புயலில் சிக்கி உயிரிழந்த மீனவர்கள் பிரச்சனை மற்றும் போக்குவரத்துத் தொழிலாளர் போராட்டங்களில் கலந்து கொள்ளாத நடிகர்கள் கமலஹாசன், ரஜினிகாந்த் ஆட்சியைப் பிடிக்கும் நோக்கில் பகல் கனவு காண்கிறார்கள்.

ஹஜ் பயணிகளுக்கான மானியத்தைத் தொடர்ந்து மத்திய அரசு வழங்கவேண்டும்.

இவ்வாறு அவர் பேசினார்.