தனிக்கட்சி தொடங்குவது குறித்து நாளை முடிவு : டிடிவி தினகரன் அறிவிப்பு

ஜனவரி 16

எம்.ஜி.ஆர். பிறந்த நாளான நாளை தனிக்கட்சி தொடங்குவது பற்றிய முடிவை அறிவிப்பேன் என ஆர்.கே.நகர் தொகுதி எம்.எல்.ஏ. தினகரன் தெரிவித்துள்ளார். 

பொங்கல் பண்டிகையையொட்டி புதுச்சேரியில் உள்ள பண்ணை வீட்டுக்குச் சென்ற அவர் செய்தியாளர்களிடம் கூறியதாவது:- நான் தனிக்கட்சி தொடங்குவது தொடர்பாக நாளை முடிவு செய்யப்படும். நாளை புரட்சித்தலைவர் எம்.ஜி.ஆரின் 101-வது பிறந்த நாள் ஆகும். எனவே, எம்.ஜி.ஆர். பிறந்த நாளான நாளை தனிக்கட்சி தொடங்குவது பற்றி முடிவு செய்வேன். இரட்டை இலை சின்னத்தை மீட்பதற்கான நடவடிக்கைகள் தொடர்ந்து எடுக்கப்படும். உள்ளாட்சி தேர்தலில் போட்டியிட்டு வெற்றி பெறுவோம். இவ்வாறு அவர் கூறினார்.