செயலற்று போன ”வாட்ஸ்அப்” செயலியால் பயன்பாட்டாளர்கள் அதிர்ச்சி

நவம்பர் 3 : தற்போது மக்களோடு ஒன்றிப்போன ‛வாட்ஸ் அப்' செயலி சில நிமிடம் செயலற்று போனதால் பயன்பாட்டாளர்கள் உலகம் முழுவதும் அதிர்ச்சியுற்றனர்.

சமூக வலைதளமான ‛வாட்ஸ் அப்' செயலியை உலகம் முழுவதும் பல கோடிக்கணக்கான மக்கள் பயன்படுத்தி வருகின்றனர். குறுஞ்செய்திகள், புகைப்படங்கள், வீடியோக்களை பகிரவும் இதனை பயன்படுத்தி வருகின்றனர். ஆபத்து காலங்களில் இந்த செயலி மக்களுக்கு பெரிதும் உதவிகரமாக இருந்தது.

இந்த நிலையில், இன்று மதியம் 2.05 மணி முதல் 2.36 வரை, சில மணி நேரமாக வாட்ஸ்அப் செயலி திடீரென முடங்கியது. இதற்கான காரணம் குறித்து உடனடியாக தெரியா விட்டாலும், தொழில்நுட்பக் கோளாறாக இருக்கலாம் எனக் கூறப்பட்டது. வாட்ஸ்அப் செயலிழந்ததால் உலகம் முழுவதும் பயன்பாட்டாளர்கள் பெரிதும் பாதிக்கப்பட்டனர். 

ஏறக்குறைய, 30 நிமிடத்தில் இந்த சேவை மீண்டும் துவங்கியது. இந்த திடீர் ஸ்தம்பிப்பால் பெரும் பரபரப்பு ஏற்பட்டது.