சலிம் அலி பறவையியல் மற்றும் இயற்கை வரலாறு மையத்திற்கு ஆராய்ச்சியாளர்கள் தேவை

மும்பையைச் சேர்ந்த பிரபல பறவையியல் ஆராய்ச்சியாளர் சலீம் அலி புகழைப் போற்றும் வகையில் கடந்த 1990 ஆம் ஆண்டு சலிம் அலி பறவையியல் மற்றும் இயற்கை வரலாறு மையம் கோவை மாவட்டம் ஆனைகட்டி பகுதியில் செயல்பட்டு வருகிறது. இந்த பறவையியல் ஆராய்ச்சி மையமானது, மத்திய அரசின் கட்டுப்பாட்டில் செயல்பட்டு வருகிறது. 

நாடு முழுவதும் இருந்து பல்வேறு திட்டப் பணிகள் இங்கு மேற்கொள்ளப்படுகின்றன. குறிப்பாக, எஸ்.ஏ.சி.ஓ.என் இணையதளத்தில், பறவையியல் தொடர்பாக 10 திட்டப் பணிகள், பல்வேறு அம்சங்களில் இடம்பெற்றுள்ளன. 

இந்த நிலையில், சலிம் அலி பறவையியல் மற்றும் இயற்கை வரலாறு மையத்தில், 32 ஜீனியர் உயிரியல் ஆராய்ச்சியாளர்கள், 4 சீனியர் உயிரியல் ஆராய்ச்சியாளர்கள், 2 திட்ட விஞ்ஞானிகள், ஆராய்ச்சி சம்பந்தப்பட்ட கால்நடை மருத்துவர், இணை ஆராய்ச்சியாளர், உதவி தொழிற்நுட்பாளர், கணினி அல்லது ஆய்வக தொழில்நுட்ப வல்லுநர் போன்ற பணியிடங்கள் காலியாக உள்ளன. 

சலிம் அலி பறவையியல் மற்றும் இயற்கை வரலாறு மையத்தின் http://www.sacon.in என்ற அதிகாரப்பூர்வ இணையதளத்தில் விண்ணப்ப படிவத்தை பதிவிறக்கம் செய்து, நவம்பர் 10-ம் தேதிக்குள் அனுப்ப வேண்டும்.

பறவையியல் தொடர்பான பட்டப்படிப்புகளை படித்தவர்கள் தகுதியானவர்கள். தேர்வு செய்யப்படுபவர்கள் நவம்பர் கடைசி வாரத்தில் ஆனைக்கட்டியில் உள்ள சலிம் அலி பறவையியல் மற்றும் இயற்கை வரலாறு மையத்தில் நடக்கும் நேர்முகத் தேர்வுக்கு அழைக்கப்படுவார்கள்.