சிறந்து விளங்கும் தனியார் வங்கிக்கான விருதை பெற்றது லட்சுமி விலாஷ் வங்கி

விவசாயக் கடன், சிறு,குறு தொழில்களுக்கான கடன்கள் மூலம் வாடிக்கையாளர்களிடம் அதிக வரவேற்பைப் பெற்று, சிறந்து விளங்கிய தனியார் வங்கிளுக்கான விருது (Dun & Bradstreet - Banking Awards 2017)  கோவையில் வழங்கப்பட்டது. 

இந்த விருதை, லட்சுமி விலாஷ் வங்கி தட்டிச் சென்றது. அதன் தலைவர் ஏ.ஜே. வித்யாசாகர் விருதை பெற்றுக் கொண்டார்.  சிறு மற்றும் நடுத்தர தொழில்களுக்கான கடன்கள் மற்றும் விவசாயக் கடன் வழங்குவதில் அதிக வாடிக்கையாளர்களை கொண்டிருப்பதால், லட்சுமி விலாஷ் வங்கி இந்த விருதுக்கு தேர்வு செய்யப்பட்டது. 

அதாவது, ரூ.5,700 கோடி சிறு மற்றும் நடுத்தர தொழில்களுக்கான கடன்கள் மற்றும் விவசாயக் கடன்களை வழங்கியுள்ளது. 2020 -ம் ஆண்டுக்குள் இந்தக் கடன் தொகையின் அளவை ரூ.10,000 கோடியாக அதிகரிப்பதே இலக்கு என லட்சுமி விலாஷ் வங்கி தெரிவித்துள்ளது. 

 

அண்மையில், முதல் முறையாக லட்சுமி விலாஷ் வங்கியின், வணிக கிளை சென்னையில் ஆரம்பிக்கப்பட்டது. இதில், சிறு மற்றும் நடுத்தர தொழில்களுக்கான கடன்கள் வழங்கப்பட்டு வருகின்றன. 

இந்த விருது வாங்கியது தொடர்பாக லட்சுமி விலாஷ் வங்கியின் தலைவர் ஏ.ஜே. வித்யாசாகர் பேசுகையில், சிறந்த வங்கிக்கான விருதை பெற்றதன் மூலமாக மதிப்புமிக்க அங்கீகாரத்தை லட்சுமி விலாஷ் வங்கி பெற்றது. சிறு மற்றும் நடுத்தர தொழில்களுக்கான கடன்களை அதிகரிப்பது தொடர்பாக, தொடர்ந்து நடவடிக்கை எடுக்கப்படும்.  இவ்வாறு அவர் கூறினார்.