நீலகிரி மாவட்டத்தில் மகளிர் சுய உதவிக் குழுக்களுக்கு ரூ.474.48 கோடி கடனுதவி வழங்கிய தமிழக அரசுக்கு- மலைவாழ் மக்கள் நன்றி

நீலகிரி மாவட்டத்தில் உள்ள 15266 மகளிர் சுய உதவிக் குழுக்களுக்கு ரூ.474.48 கோடி கடனுதவிகளை வழங்கிய தமிழக அரசுக்கு மலை மாவட்ட மக்கள் நன்றி தெரிவித்துள்ளனர்.

நீலகிரி மாவட்டத்தில் மகளிர் திட்டத்தின் மூலம் மொத்தம் 15266 மகளிர் சுய உதவி குழுக்கள் உள்ளன. இதில் மொத்தம் 1,15,882 பெண்கள் உறுப்பினர்களாக உள்ளனர். 

வங்கிகள் மூலம் 2011- 2012 ஆம் ஆண்டு 2161 சுய உதவிக்குழுக்களுக்கு 48.29 கோடியும், 2012- 2013 ஆம் ஆண்டு 1858 மகளிர் சுய உதவிக்குழுக்களுக்கு ரூ.47.30 கோடியும், 2013- 2014 ஆம் ஆண்டு 2434 சுய உதவிக் குழுக்களுக்கு ரூ.71.92 கோடியும், 2014-2015 ஆம் ஆண்டு 2222 மகளிர் சுய உதவிக்குழுக்களுக்கு ரூ.72.06 கோடியும், 2015- 2016 ஆம் ஆண்டு 2651 மகளிர் சுய உதவிக்குழுக்களுக்கு ரூ.94.71 கோடியும், 2016-2017 ஆம் ஆண்டு 3049 மகளிர் சுய உதவிக்குழுக்களுக்கு 104.88 கோடியும், 2017-2018 (11.08.2017) வரை 891 மகளிர் சுய உதவிக்குழுக்களுக்கு ரூ.35.32 கோடியும் ஆக மொத்தம் 15266 சுய உதவிக்குழுக்களுக்கு ரூ.474.48 கோடி கடன் வழங்கப்பட்டுள்ளது.

மேலும், 1256 புதிய மகளிர் சுய உதவிக்குழுக்கள் உருவாக்கப்பட்டு ஊக்குநர் பிரதிநிதி பயிற்சி மற்றும் குழு பயிற்சி வழங்கப்பட்டுள்ளது. 



இதற்காக, மகளிர் சுய உதவிக்குழுக்களின் மூலம் கடன் பெற்ற பயனாளிகள் தமிழக அரசிற்கு தங்களது நன்றிகளை தெரிவித்துள்ளனர்.