ஈஷா அவுட்ரீச் சார்பில் இலவச கண்சிகிச்சை முகாம்

ஈஷா அவுட்ரீச், கோவை அரவிந்த் கண் மருத்துவமனையுடன் இணைந்து இலவச கண்சிகிச்சை முகாம் ஈஷா யோகா மையம் அருகில் உள்ள விராலியூர் அரசு உயர்நிலைப்பள்ளியில் ஞாயிறன்று நடைபெற்றது.



இம்முகாமில் கண்களில் புரை உண்டாகுதல், மாறுகண், நீர் அழுத்த நோய், மாலைக்கண், சீழ் மற்றும் நீர்வடிதல், தூரப்பார்வை, கிட்டப் பார்வை போன்ற பிரச்சனைகளுக்கு இலவச பரிசோதனைகள் செய்யப்பட்டன.



கண்புரை நோயாளிகள் முகமலிருந்து கோவை அரவிந்த் கண் மருத்துவமனைக்கு சிகிச்சைக்காக அழைத்துச் செல்லப்பட்டனர். இவர்களுக்கு I.O.I. லென்ஸ், சிகிச்சை, மருந்து, தங்கும் வசதி, உணவு மற்றும் போக்குவரத்து செலவு அனைத்தும் இலவசமாக வழங்கப்பட உள்ளது குறிப்பிடத்தக்கது.



மேலும் கிட்டப்பார்வை, தூரப்பார்வை, வெள்ளெழுத்து போன்ற பார்வைக்கோளாறு இருப்பவர்களுக்கு மிககுறைந்த விலையில் தரமான கண்கண்ணாடி வழங்கப்பட்டது.