கோவை இராமநாதபுரத்தை அடுத்த சுங்கம் பகுதியில் ரவுண்டானா அமைந்துள்ளது. இன்று காலை இராமநாதபுரம் பகுதியில் இருந்து சுங்கம் ரவுண்டானா நோக்கி வந்த லாரி, அவ்வழியே இரு சக்கர வாகனத்தில் மோதியது. இதில் இருசக்கர வாகனத்தில் வந்துகொண்டிருந்த குமார் (41) மற்றும் கணேசன் (34) ஆகிய இருவரும் லாரியின் சக்கரத்தில் சிக்கினர்.
அப்போது, சம்பவ இடத்திலேயே உடல் நசுங்கி குமார் பலியானார். கணேசன் படுகாயமடைந்த நிலையில், ஆம்புலன்ஸ் மூலம் கோவை அரசு மருத்துவமனைக்கு சிகிச்சைக்காக கொண்டுசெல்லப்பட்டார். இது குறித்து இராமநாதபுரம் போலீசார் விசாரணை மேற்கொண்டு வருகின்றனர்.