கோவை மாநகராட்சி மேற்கு மண்டலம் 19வது வார்டுக்குட்பட்ட லிங்கனூர் சாலை, அண்ணாநகர் குடியிருப்பு பகுதிகளில் துப்புரவுப் பணியாளர்கள் சுத்தம் செய்யும் பணிகள், துப்புரவுப் பணியாளர்கள் மக்கும் குப்பைகள் மக்காத குப்பைகளை பிரித்தெடுக்கும் பணிகளில் ஈடுபடுவது, கொசு ஒழிப்பு பணியாளர்கள் வீடு வீடாகச் சென்று அபேட் மருந்தை தொட்டிகளில் ஊற்றுவதையும், தேவையில்லாத பொருட்களை அகற்றும் பணிகளில் ஈடுபட்டு வருவதையும் மாநகராட்சி ஆணையாளர் மற்றும் தனி அலுவலர் விஜயகார்த்திகேயன் நேரில் சென்று பார்வையிட்டார்.
மேலும், அப்பகுதியில் ரூ.42 லட்சம் மதிப்பீட்டில் மாநகராட்சிப் பூங்காவின் நடைபாதை பணிகள், சுற்றுசுவர்கள் மற்றும் பராமரிப்புப் பணிகள் நடைபெற்று வருவதையும், நீர்தேக்கத் தொட்டியின் நீரின் தன்மை குறித்து ஆய்வு செய்து, குளோரின் அளவு போதுமான அளவு உள்ளதா என்பதையும் மாநகராட்சி ஆணையர் நேரில் சென்று பார்வையிட்டு ஆய்வு செய்தார். உடன், துணை ஆணையர் காந்திமதி, நகர்நல அலுவலர் சந்தோஷ்குமார், உதவி நகரமைப்பு அலுவலர் ரவிச்சந்திரன், உதவி செயற்பொறியாளர் கருப்புசாமி மற்றும் மாநகராட்சி அலுவலர்கள் உள்ளனர்.
மேலும், அப்பகுதியில் ரூ.42 லட்சம் மதிப்பீட்டில் மாநகராட்சிப் பூங்காவின் நடைபாதை பணிகள், சுற்றுசுவர்கள் மற்றும் பராமரிப்புப் பணிகள் நடைபெற்று வருவதையும், நீர்தேக்கத் தொட்டியின் நீரின் தன்மை குறித்து ஆய்வு செய்து, குளோரின் அளவு போதுமான அளவு உள்ளதா என்பதையும் மாநகராட்சி ஆணையர் நேரில் சென்று பார்வையிட்டு ஆய்வு செய்தார். உடன், துணை ஆணையர் காந்திமதி, நகர்நல அலுவலர் சந்தோஷ்குமார், உதவி நகரமைப்பு அலுவலர் ரவிச்சந்திரன், உதவி செயற்பொறியாளர் கருப்புசாமி மற்றும் மாநகராட்சி அலுவலர்கள் உள்ளனர்.