பொள்ளாச்சி: வீட்டில் தனியாக இருந்த பெண்ணிடம் நகை பறித்த வழக்கில் இளைஞர் கைது

Coimbatore: பொள்ளாச்சி மாக்கினாம்பட்டியில் டிக் டாப் என்ற போர்வையில் வீட்டிற்குள் நுழைந்து தனியாக இருந்த பெண்ணிடம் தங்கச் செயின் பறித்துச் சென்ற இளைஞர் காவல்துறையினரால் கைது செய்யப்பட்டுள்ளார். சிசிடிவி கேமரா பதிவுகள் மூலம் குற்றவாளி கண்டுபிடிக்கப்பட்டு நகை மீட்கப்பட்டுள்ளது.

பொள்ளாச்சி மாக்கினாம்பட்டி அண்ணாமலை நகர் பகுதியில் வசிப்பவர் கிருஷ்ணகுமார். இவரது மனைவி நிவேதா. கடந்த மாதம் 29ஆம் தேதி வீட்டில் நிவேதா தனியாக இருந்தபோது, ஒரு மர்ம நபர் டிக் டாப் என்று வீட்டிற்கு வந்தார். குடிக்க தண்ணீர் கேட்பது போல் நடித்த அந்த நபர், திடீரென நிவேதாவின் கழுத்தில் இருந்த மூன்று பவுன் தங்கச் செயினை பறித்துக்கொண்டு ஓடிவிட்டார்.



இதுகுறித்து நிவேதா கொடுத்த புகாரின் பேரில், கிழக்கு காவல் நிலைய போலீசார் வழக்கு பதிவு செய்து விசாரணை தொடங்கினர். அப்பகுதியில் உள்ள சிசிடிவி கேமராக்களை ஆய்வு செய்த போலீசார், செயின் பறிப்பில் ஈடுபட்டவரை கண்டுபிடித்தனர். அரியலூர் மாவட்டம் உடையார்பாளையம் பகுதியைச் சேர்ந்த கண்ணன் என்பவரின் மகன் சங்கர் என்பவர் இந்தக் குற்றத்தில் ஈடுபட்டது தெரியவந்தது.



இதையடுத்து காவல்துறையினர் சங்கரை தேடி கைது செய்தனர். அவரிடம் இருந்து மூன்று பவுன் தங்கச் செயின் பறிமுதல் செய்யப்பட்டது. குற்றவாளி சங்கர் நீதிமன்றத்தில் ஆஜர்படுத்தப்பட்டு, பொள்ளாச்சி கிளை சிறையில் அடைக்கப்பட்டுள்ளார். இந்த வழக்கில் மேலும் விசாரணை நடைபெற்று வருகிறது.