திருப்பூர் மாவட்டம் மடத்துக்குளம் தொகுதியில் சொத்து வரி மற்றும் மின் கட்டண உயர்வை கண்டித்து அதிமுக சார்பில் மனித சங்கிலி போராட்டம் நடைபெற்றது. 200க்கும் மேற்பட்ட அதிமுகவினர் இந்த போராட்டத்தில் பங்கேற்றனர்.
Coimbatore: திருப்பூர் மாவட்டம் மடத்துக்குளம் பேரூராட்சி அலுவலகம் முன்பு சொத்து வரி மற்றும் மின் கட்டண உயர்வை கண்டித்து அதிமுக சார்பில் மனித சங்கிலி போராட்டம் நடைபெற்றது. அதிமுக பொதுச்செயலாளர் எடப்பாடி பழனிச்சாமியின் உத்தரவின் பேரில் இந்த போராட்டம் நடத்தப்பட்டது.
மடத்துக்குளம் சட்டமன்ற உறுப்பினரும் திருப்பூர் புற கிழக்கு மாவட்ட செயலாளருமான மகேந்திரன் தலைமையில் இந்த போராட்டம் நடைபெற்றது. போராட்டத்தில் கலந்து கொண்டவர்கள் சொத்து வரி மற்றும் மின் கட்டண உயர்வை கண்டித்து கோஷங்கள் எழுப்பினர்.
சொத்து வரியை உயர்த்தியதோடு மக்களுக்கு விரோதமாக ஆட்சி செய்யும் தமிழக முதல்வர் M.K. Stalin உடனே பதவி விலக வேண்டும் என்று போராட்டக்காரர்கள் வலியுறுத்தினர். மடத்துக்குளம் பேரூர் கழக செயலாளர் நீலம்பூர் செல்வராஜ் உட்பட 200க்கும் மேற்பட்டோர் இந்த போராட்டத்தில் கலந்து கொண்டனர்.
மடத்துக்குளம் சட்டமன்ற தொகுதிக்கு உட்பட்ட கணியூர், குமரலிங்கம், சங்கரமநல்லூர் ஆகிய பேரூராட்சி அலுவலகங்கள் முன்பும் அதிமுக சார்பில் சொத்து வரி மற்றும் மின் கட்டண உயர்வை கண்டித்து ஆர்ப்பாட்டங்கள் நடத்தப்பட்டன.