பத்மஶ்ரீ பாப்பாம்மாளுக்கு நீலகிரி எம்பி ஆ.ராசா அஞ்சலி

கோவை: பத்மஶ்ரீ விருது மற்றும் பெரியார் விருது பெற்ற மூத்த விவசாயி பாப்பாம்மாள் சமீபத்தில் காலமானார். இந்நிலையில், நீலகிரி மக்களவை உறுப்பினர் ஆ.ராசா அவரது இல்லத்திற்கு நேரில் சென்று அஞ்சலி செலுத்தினார்.

அக்டோபர் 6 ஆம் தேதி நடைபெற்ற இந்த நிகழ்வில், எம்பி ஆ.ராசா பாப்பாம்மாளின் உருவப்படத்திற்கு மலர் தூவி மரியாதை செலுத்தினார். இந்த அஞ்சலி நிகழ்வில் திமுகவின் பல முக்கிய நிர்வாகிகளும் கலந்து கொண்டனர்.



மத்திய அரசின் பத்மஶ்ரீ விருது மற்றும் திமுக கட்சியின் பெரியார் விருது பெற்ற பாப்பாம்மாள், தனது வாழ்நாள் முழுவதும் விவசாயத்திற்காக அர்ப்பணித்துக் கொண்டவர். அவரது மறைவு விவசாய சமூகத்திற்கு பேரிழப்பாகும்.



எம்பி ஆ.ராசாவுடன், மாவட்ட கழகச் செயலாளர் தொ.அ.இரவி, தலைமை செயற்குழு உறுப்பினர் டி.ஆர்.சண்முகசுந்தரம், மாநில விவசாய தொழிலாளர் அணி துணை செயலாளர் திரு.அருண்குமார், ஒன்றிய கழகச் செயலாளர்கள் திரு சுரேந்திரன், SMT கல்யானசுந்தரம் மற்றும் பல திமுக கழக நிர்வாகிகள் கலந்து கொண்டனர்.

பாப்பாம்மாளின் சேவைகளை நினைவு கூர்ந்த எம்பி ஆ.ராசா, அவரது வாழ்க்கை பலருக்கும் முன்னுதாரணமாக திகழ்வதாகக் குறிப்பிட்டார். விவசாயத்தின் முக்கியத்துவத்தையும், கிராமப்புற பெண்களின் மேம்பாட்டிற்கு பாப்பாம்மாள் ஆற்றிய பங்களிப்பையும் அவர் பாராட்டினார்.