தமிழ்நாடு வேளாண்மைப் பல்கலைக்கழகத்தில் தேனீ வளர்ப்பு பயிற்சி: ஜூலை 8 அன்று நடைபெறுகிறது

கோவை: தமிழ்நாடு வேளாண்மைப் பல்கலைக்கழகத்தின் பூச்சியியல் துறை சார்பாக ஒவ்வொரு மாதமும் நடத்தப்படும் தேனீ வளர்ப்பு பயிற்சி, ஜூலை மாதத்திற்கான அமர்வு வரும் ஜூலை 8, 2024 திங்கட்கிழமை அன்று நடைபெறவுள்ளது.

இந்த ஒருநாள் பயிற்சியில் தேனீ இனங்களை அடையாளம் காணுதல், பெட்டிகளில் தேனீ வளர்க்கும் முறை மற்றும் நிர்வாகம், தேனீக்களுக்கு உணவளிக்கும் பயிர்கள், மகரந்த சேர்க்கை மூலம் மகசூல் அதிகரிக்கும் பயிர்கள், தேன் பிரித்தெடுக்கும் முறை, தேனீக்களின் இயற்கை எதிரிகள் மற்றும் நோய் நிர்வாகம் போன்ற முக்கிய அம்சங்கள் குறித்து விரிவான பயிற்சி அளிக்கப்படும்.

பயிற்சியில் கலந்து கொள்ள விரும்புவோர் அன்றைய தினம் காலை 9 மணிக்கு பூச்சியியல் துறைக்கு நேரில் வந்து தங்களது அடையாள ஆவணங்களை சமர்ப்பித்து, பயிற்சிக் கட்டணமாக ரூ.590-ஐ செலுத்த வேண்டும். பயிற்சி காலை 9 மணி முதல் மாலை 5 மணி வரை நடைபெறும். பயிற்சியின் முடிவில் பங்கேற்பாளர்களுக்கு சான்றிதழ் வழங்கப்படும்.

மேலும் விவரங்களுக்கு, பேராசிரியர் மற்றும் தலைவர், வேளாண் பூச்சியியல் துறை, தமிழ்நாடு வேளாண்மைப் பல்கலைக்கழகம், கோயம்புத்தூர் என்ற முகவரியில் தொடர்பு கொள்ளலாம். தொலைபேசி எண்: 0422-6611214, மின்னஞ்சல்: [email protected].