இணைப்பு சக்கரம் பொருத்தப்பட்ட பெட்ரோல் ஸ்கூட்டர் பெற தகுதியுடைய மாற்றுத்திறனாளிகள் விண்ணப்பிக்கலாம்

கோவை : கோவையில் மாற்றுத்திறனாளிகள் நலத் துறையின் மூலம் இணைப்பு சக்கரம் பொருத்தப்பட்ட பெட்ரோல் ஸ்கூட்டர் பெற தகுதியுடைய மாற்றுத்திறனாளிகள் விண்ணப்பிக்கலாம் என மாவட்ட ஆட்சியர் அறிவித்துள்ளார்.

இது குறித்து மாவட்ட ஆட்சியர் அவர்கள் வெளியிட்டுள்ள செய்தி குறிப்பில் தெரிவித்துள்ளதாவது :- கல்வி பயில்பவர், சுயதொழில் செய்பவர் மற்றும் பணிபுரியும் மாற்றுத்திறனாளி நபர்களுக்கு இணைப்பு சக்கரம் பொருத்தப்பட்ட பெட்ரோல் ஸ்கூட்டர் வழங்க நேர்முகத் தேர்வு 16-ம் தேதி நடைபெற உள்ளதால் கோவை மாவட்டத்தில் உள்ள 18 வயதிற்கு மேற்பட்ட மாற்றுத்திறனாளிகள் தேசிய அடையாள அட்டையுள்ள, இரு கால்களும் பாதிக்கப்பட்டு கைகள் இரண்டும் நல்ல நிலையில் உள்ள மாற்றுத்திறனாளிகள் தங்களது விண்ணப்பங்களை மாவட்ட மாற்றுத்திறனாளிகள் நல அலுவலர், மாவட்ட மாற்றுத்திறனாளிகள் நல அலுவலகம், மாவட்ட ஆட்சியரகம், கோவை, தொலைபேசி எண் 0422-2380382, மின்னஞ்சல் : [email protected] என்ற முகவரியில் நேரடியாகவோ அல்லது தபால் மூலமாகவோ வழங்கலாம். ஏற்கனவே வாகனம் பெறாத மாற்றுத்திறனாளிகள் மட்டும் விண்ணப்பிக்கலாம், எனத் தெரிவிக்கப்பட்டுள்ளது.