சபரிமலை சீசனுக்காக ஜனவரியில் சிறப்பு ரயில்கள்

சேலம் : பக்தர்கள் அலைமோதும் சபரிமலையில் ஏற்படும் கூட்ட நெரிசலைத் தவிர்க்க தெற்கு ரயில்வே துறை சிறப்பு ரயில்களை இயக்கியுள்ளது.

கொச்சுவேலி - ஹைதராபாத் சிறப்பு ரயில் (07116) வரும் ஜனவரி 7, 14, 21, 28 ஆகிய தேதிகளில் கொச்சுவேலியில் இருந்து ஹைதராபாத் புறப்படுகிறது. இந்த ரயில் கொச்சுவேலியில் இருந்து காலை 7. 45 மணியளவில் புறப்பட்டு மறுநாள் மதியம் 2 மணியளவில் ஹைதராபாத்தைச் சென்றடைகிறது. 

இந்த ரயிலானது கொல்லம், காயன்குளம், செங்கன்னூர், திருவல்லா, எர்ணாகுளம், ஆலுவா, திரிசூர், ஒத்தபாலம், பால்கோட், கோவை, திருப்பூர், ஈரோடு, சேலம், ஜோலார்பேட்டை, காட்பாடி, சித்தூர், திருப்பதி, ரேணிகுண்டா, குடூர், நெல்லூர், ஓங்கோல், தெனாலி, குண்டூர், பிடிகுருலா, நல்கொண்டா, செகந்தராபாத் போன்ற நிறுத்தங்களைக் கடந்து செல்கிறது.

 

எர்ணாகுளம் ஜங்சன் - ஹைதராபாத் சிறப்பு ரயில் வரும் (07118) வரும் ஜனவரி 03, 10, 17, 24, 31 ஆகிய தேதிகளில் எர்ணாகுளம் சந்திப்பில் இருந்து ஹைதராபாத் புறப்படுகிறது. இந்த ரயில் எர்ணாகுளத்திலிருந்து இரவு 9.30 மணியளவில் புறப்பட்டு மறுநாள் இரவு 10.55 க்கு சென்றடைகிறது. 

இந்த ரயிலானது ஆலுவா, திரிசூர், ஒத்தபாலம், பால்கோட், கோவை, திருப்பூர், ஈரோடு, சேலம், ஜோலார்பேட்டை, காட்பாடி, சித்தூர், திருப்பதி, ரேணிகுண்டா, குடூர், நெல்லூர், ஓங்கோல், தெனாலி, குண்டூர், பிடிகுருலா, நல்கொண்டா, செகந்தராபாத் ஆகிய வழித்தடங்களில் நின்று செல்கிறது. 

மேலும், இதற்கான முன்பதிவு டிசம்பர் 4-ம் தேதி காலை 8 மணிக்குத் தொடங்குகிறது.